मिति २०७७/११/१९ गते
जिल्ला समन्वय समितिको कार्यालय दोलखाको आयोजनामा स्थानीय सरकारमा सुशासन र समावेशिकरण दोलखा जिल्लाका नगर तथा गाउँपालिकाहरुको अध्ययन प्रतिवेदन प्रस्तुतिकरण तथा हस्तान्तरण कार्यक्रम सम्पन्न भएको छ।
जिल्ला समन्वय समिति दोलखाका प्रमुख श्री डबल पाण्डेज्यूको अध्यक्षतामा भएको उक्त कार्यक्रममा दोलखा जिल्लाका स्थानीय तहका प्रमुख/उपप्रमुख, अध्यक्ष/उपाध्यक्ष, प्रमुख प्रशासकिय अधिकृत, पत्रकारहरु लगायत अन्य सरोकारवाला निकायहरुको सहभागिता रहेको थियो।मानव अधिकार सचेतन तथा विकास केन्द्र हुराडेक नेपालको सहकार्यमा भएको उक्त कार्यक्रममा डा.शुरेस ढकाल, डा.जनक राइ र डा. डम्बर चेमजोङले दोलखा जिल्लाका सम्पुर्ण स्थानीय तहमानै पुगेर तयार गरिएको प्रतिवेदनको प्रस्तुतिकरण पश्चात उक्त प्रतिवेदन जिल्ला समन्वय समिति दोलखाका प्रमुख श्री डबल पाण्डेज्यूलाई हस्तान्तरण गर्नु भएको थियो।